|
Written by Jan Piepka
|
(na podstawie D. Pioch, K A S Z Ë B Ë.
ZEMIA I LËDZE
, ZG ZKP - Wydawnictwo Czec, Gdańsk 2001)
Jan Piepka
Mòje stronë
Mòje stronë. Mòje stronë, są nôlepszé z wszëtczich strón.
Móm w nich kwiatë, wòde, lasë, w pòlu rosce żëtny plón.
W mòjëch stronach, w mòjëch stronach, wiater sztormem z nôrdë dmie,
jadą kutrë i òkrãtë, i latarnie stoją dwie.
Mòjim stronóm, mòjim stronóm, wcąg przëgriwô ptôchów spiéw,
a nad sztrądem i nad wòdą wiedno widzysz skrzidła méw.
Mòje stronë, mòje stronë, brzmią robòcym rojem pszczół
bòcón klepie, czapla brodzy, strëga płënie do jezór.
W mòjëch stronach,w mòjëch stronach, niebò skrzi sã rojem gwiôzd,
a z nich jedna wnet nad głową z nórde sle nóm zëmny blôsk.
Mòjim stronóm, mòjim stronóm, spłacëc chcôłbëm lëdzczi dług,
za dni smiéchu, dni robòtë, czej na roli òrze pług.
Mòje stronë, mòje stronë, są nôlepszé z wszëtczich strón.
W mòjëch stronach, w mòjëch stronach, chcôłbem spòcząc, czéj mdze zgón.
|
Bibliografia / Biblografijô 
Top 
